ಮಫ್ತಿ ಟ್ರೇಲರ್‌ಗೆ ಸ್ಯಾಂಡಲ್‌ವುಡ್‌ ಫಿದಾ

ಶಿವರಾಜ್‌ ಕುಮಾರ್‌ ಮತ್ತು ಶ್ರೀಮುರಳಿ ಅಭಿನಯದ 'ಮಫ್ತಿ' ಟ್ರೇಲರ್‌ ಸ್ಯಾಂಡಲ್‌ವುಡ್‌ನಲ್ಲಿ ಹವಾ ಎಬ್ಬಿಸಿದೆ. ದೇಶ ವಿದೇಶಗಳಿಂದಲೂ ಟ್ರೇಲರ್‌ಗೆ ಉತ್ತಮ ಪ್ರತಿಕ್ರಿಯೆ ಬರುತ್ತಿದೆ.



ನರ್ತನ್‌ ಚೊಚ್ಚಲ ನಿರ್ದೇಶನದ 'ಮಫ್ತಿ' ಚಿತ್ರ ಈಗಾಗಲೇ ಸ್ಯಾಂಡಲ್‌ವುಡ್‌ನಲ್ಲಿ ಭಾರೀ ನಿರೀಕ್ಷೆ ಹುಟ್ಟು ಹಾಕಿದೆ. ಅದಕ್ಕೆ ಕಾರಣ ಶಿವರಾಜ್‌ ಕುಮಾರ್‌ ಮತ್ತು ಶ್ರೀಮುರಳಿ ಅವರ ಕಾಂಬಿನೇಷನ್‌. ಮೊನ್ನೆಯಷ್ಟೇ ಚಿತ್ರದ ಟ್ರೇಲರ್‌ ರಿಲೀಸ್‌ ಆಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅದರಲ್ಲೂ ಸಾಮಾಜಿಕ ಜಾಲತಾಣದಲ್ಲಿ ಅದು ವೈರಲ್‌ ಆಗಿದೆ. ಜತೆಗೆ ಸ್ಯಾಂಡಲ್‌ವುಡ್‌ ನಟ ನಟಿಯರು ಕೂಡ ಟ್ರೇಲರ್‌ಗೆ ಫಿದಾ ಆಗಿದ್ದಾರೆ ಅನ್ನುತ್ತಿದೆ ಚಿತ್ರತಂಡ.



ತಮ್ಮ ಸಿನಿಮಾದ ಟ್ರೇಲರ್‌ ಕುರಿತಾಗಿ ಬಂದ ಪ್ರತಿಕ್ರಿಯೆ ಬಗ್ಗೆ ಶ್ರೀಮುರಳಿ ಹೇಳುವುದು ಹೀಗೆ, 'ನಿಜ ಹೇಳುತ್ತೇನೆ, ಟ್ರೇಲರ್‌ಗೆ ಈ ರೀತಿಯಲ್ಲಿ ರೆಸ್ಪಾನ್ಸ್‌ ಬರುತ್ತದೆ ಅಂತ ನಾನು ನಿರೀಕ್ಷಿಸಿಯೇ ಇರಲಿಲ್ಲ. ಅದ್ಭುತ ಪ್ರತಿಕ್ರಿಯೆ ಕಂಡು ಎಕ್ಸೈಟ್‌ ಆಗಿದ್ದೇನೆ' ಅಂತಾರೆ.

'ಟ್ರೇಲರ್‌ ರೆಡಿ ಆದಾಗ ಚೆನ್ನಾಗಿ ಬಂದಿದೆ ಎಂದು ನಾನು ನಿರ್ದೇಶಕರಿಗೆ ಪ್ರಶಂಸಿಸಿದ್ದೆ. ನನಗೂ ಒಂದು ಮಟ್ಟದ ನಿರೀಕ್ಷೆ ಇತ್ತು. ಆದರೆ, ಇವತ್ತು ಎಲ್ಲಾ ಕಡೆಯಿಂದ ಬರುತ್ತಿರುವ ದೊಡ್ಡ ಪ್ರಮಾಣದ ರೆಸ್ಪಾನ್ಸ್‌ ನನ್ನನ್ನು ದಂಗುಬಡಿಸಿದೆ. ಅದರಿಂದಾಗಿ ಭಯನೂ ಆಗುತ್ತಿದೆ' ಅಂತಾರೆ ಶ್ರೀಮುರಳಿ.



ವಿತರಕರಾದ ಜಯಣ್ಣ ಮತ್ತು ಭೋಗೇಂದ್ರ ಮಫ್ತಿಯನ್ನು ನಿರ್ಮಾಣ ಮಾಡಿದ್ದಾರೆ. 'ಇದುವರೆಗೆ ಅನೇಕ ಸ್ಟಾರ್‌ ನಟರ ಚಿತ್ರಗಳನ್ನು ನಾವು ರಿಲೀಸ್‌ ಮಾಡಿದ್ದೇವೆ. ಆದರೆ, ಯಾವ ಚಿತ್ರದ ಟ್ರೇಲರ್‌ಗೂ ಈ ಪ್ರಮಾಣದ ಯಶಸ್ಸು ಸಿಕ್ಕಿರಲಿಲ್ಲ. ಅಲ್ಲದೇ. ಕನ್ನಡ ಚಿತ್ರರಂಗ ಟ್ರೇಲರ್‌ ಬಗ್ಗೆ ಪ್ರತಿಕ್ರಿಯಿಸುತ್ತಿರುವುದು ನಿಜಕ್ಕೂ ಖುಷಿಯಾಗಿದೆ. ನನಗಷ್ಟೇ ಅಲ್ಲ, ಶಿವರಾಜ್‌ ಕುಮಾರ್‌ ಅವರಿಗೆ ವಿದೇಶಗಳಿಂದ ಕರೆ ಮಾಡಿ ಮೆಚ್ಚುಗೆ ಸೂಚಿಸಿದ್ದಾರಂತೆ. ಅವರು ಕೂಡ ಥ್ರಿಲ್‌ ಆಗಿದ್ದಾರೆ. ನಟರಾದ ಯಶ್‌, ರಕ್ಷಿತ್‌ ಶೆಟ್ಟಿ ಮತ್ತು ನಿರ್ದೇಶಕರಾದ ಪವನ್‌, ಅನೂಪ್‌ ಭಂಡಾರಿ ಸೇರಿದಂತೆ ಹಲವು ಕಲಾವಿದರು ಮತ್ತು ತಂತ್ರಜ್ಞರು ಟ್ರೇಲರ್‌ ಮೆಚ್ಚಿಕೊಂಡು ಟ್ವೀಟ್‌ ಮಾಡಿದ್ದಾರೆ.' ಅನ್ನುವುದು ನಿರ್ಮಾಪಕರ ಮಾತು.

ಟ್ರೇಲರ್‌ನಲ್ಲಿ ಮತ್ತೊಂದು ವಿಶೇಷವಿದೆ. ಹಿರಿಯ ನಟ ಶ್ರೀಧರ್‌ ಧ್ವನಿಯನ್ನು ಬಳಸಿಕೊಳ್ಳಲಾಗಿದೆ. 'ನಮಗೆ ಕತೆ ಹೇಳೋಕೆ ಪ್ರಬುದ್ಧವಾದ, 50 ವರ್ಷದವರ ಧ್ವನಿ ಬೇಕಿತ್ತು. ಶ್ರೀಧರ್‌ ಅವರ ಧ್ವನಿ ಬಹಳ ಚೆನ್ನಾಗಿ ಮ್ಯಾಚ್‌ ಆಯಿತು. ಟ್ರೇಲರ್‌ ಪ್ರೆಸೆಂಟೇಷನ್‌ ಕೂಡಾ ಅದೇ ರೀತಿ ಮಾಡಿದ್ದೇವೆ. ರೆಗ್ಯುಲರ್‌ ಶೈಲಿಯನ್ನು ಬಿಟ್ಟು ಹೊಸ ರೀತಿ ಮಾಡಿದ್ದೇವೆ' ಎನ್ನುತ್ತಾರೆ ನಿರ್ದೇಶಕ ನರ್ತನ್‌.

ಸ್ಟಾರ್‌ ನಟರಾದ ಗಣೇಶ್‌, ಯಶ್‌, ರಕ್ಷಿತ್‌ ಶೆಟ್ಟಿ, ಚಿರಂಜೀವಿ ಸರ್ಜಾ ಸೇರಿದಂತೆ ಹಲವು ನಟರು ಮಫ್ತಿ ಟ್ರೇಲರ್‌ ಮೆಚ್ಚಿಕೊಂಡು ಟ್ವಿಟ್‌ ಮಾಡಿದ್ದಾರೆ. ಇದೊಂದು ಹೊಸ ರೀತಿಯ ಸಿನಿಮಾ ಎಂದು ಅವರು ಬಣ್ಣಿಸಿದ್ದಾರೆ. ತಮ್ಮ ನೆಚ್ಚಿನ ನಟರ ಟ್ವಿಟ್‌ ಅನ್ನು ಅವರ ಅಭಿಮಾನಿಗಳು ಕೂಡ ರಿಟ್ವಿಟ್‌ ಮಾಡುವ ಮೂಲಕ ಸಂಭ್ರಮಿಸಿದ್ದಾರೆ. ಅಂದಹಾಗೆ ಇದೇ ಮೊದಲ ಬಾರಿಗೆ ಶಿವರಾಜ್‌ ಕುಮಾರ್‌ ಮತ್ತು ಶ್ರೀಮುರಳಿ ನಟಿಸುತ್ತಿದ್ದಾರೆ. ಸಿನಿಮಾದ ಮೇಕಿಂಗ್‌ ಮತ್ತು ಕಾಸ್ಟ್ಯೂಮ್‌ನಿಂದಾಗಿ ಮಫ್ತಿ ಈಗಾಗಲೇ ಕುತೂಹಲ ಮೂಡಿಸಿದೆ.



'ಸಿನಿಮಾದಲ್ಲಿಯ ಒಂದಷ್ಟು ಅಂಶಗಳನ್ನು ಬಳಸಿಕೊಂಡು ಟ್ರೇಲರ್‌ ತಯಾರಿ ಮಾಡಿದ್ದೆವು. ಮಫ್ತಿಯ ಹಲವು ಮಜಲುಗಳನ್ನು ಈ ಟ್ರೇಲರ್‌ ಹೇಳುತ್ತದೆ. ಹಾಗಾಗಿಯೇ ಬೇಗ ಅದು ಗಮನ ಸೆಳೆದಿದೆ. ಕನ್ನಡ ಸಿನಿಮಾ ರಂಗದ ಅನೇಕ ಕಲಾವಿದರು ಮತ್ತು ತಂತ್ರಜ್ಞರು ಟ್ರೇಲರ್‌ ಬಗ್ಗೆ ಮೆಚ್ಚಿ ಮಾತನಾಡಿದ್ದಾರೆ. ಅವರೇ ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದಾರೆ. ಇದರಿಂದಾಗಿ ಮತ್ತಷ್ಟು ಜನರಿಗೆ ಅದು ತಲುಪಲು ಸಾಧ್ಯವಾಗಿದೆ' ಅನ್ನುವುದು ನಿರ್ದೇಶಕರ ಮಾತು.

ಮಫ್ತಿ ಚಿತ್ರದ ಟ್ರೇಲರ್‌ ಎಲ್ಲ ವರ್ಗದ ಜನರಿಗೆ ಇಷ್ಟವಾಗುತ್ತೆ ಎಂಬ ನಂಬಿಕೆ ಇತ್ತು. ಕನ್ನಡ ಸಿನಿಮಾರಂಗವು ಈ ಲೆವೆಲ್‌ಗೆ ಪ್ರತಿಕ್ರಿಯಿಸುತ್ತಾರೆ ಅಂದುಕೊಂಡಿರಲಿಲ್ಲ. ಟ್ರೇಲರ್‌ ಎಲ್ಲರೂ ಮಾತನಾಡುವಂತೆ ಮಾಡಿದೆ. ಇದು ಅದಕ್ಕಿರುವ ಸಾಮರ್ಥ್ಯ‌.
-ಶ್ರೀಮುರಳಿ, ನಟ

ಸಿನಿಮಾ ನಿರೀಕ್ಷೆ ಹೆಚ್ಚು ಮಾಡಿದೆ ಟ್ರೇಲರ್‌ ಇದಾಗಿದೆ. ಕನ್ನಡ ಚಿತ್ರರಂಗದಲ್ಲಿ ಇದೊಂದು ಹೊಸ ಅನುಭವ ನೀಡಲಿದೆ. ಇದುವರೆಗೆ ನಾವು ಮಾಡಿದ ಸಿನಿಮಾಗಳಿಗಿಂತ ಇದು ಭಿನ್ನವಾಗಿದೆ.
ಮಫ್ತಿ ಟ್ರೇಲರ್‌ಗೆ ಸ್ಯಾಂಡಲ್‌ವುಡ್‌ ಫಿದಾ ಮಫ್ತಿ ಟ್ರೇಲರ್‌ಗೆ ಸ್ಯಾಂಡಲ್‌ವುಡ್‌ ಫಿದಾ Reviewed by VIVEKARAMA on ನವೆಂಬರ್ 06, 2017 Rating: 5

ಕಾಮೆಂಟ್‌ಗಳಿಲ್ಲ:

ಈ ಬ್ಲಾಗ್ ಅನ್ನು ಹುಡುಕಿ

Blogger ನಿಂದ ಸಾಮರ್ಥ್ಯಹೊಂದಿದೆ.